Cuntegn

 

 
 

reglament per la revista "Litteratura"

 
   

Quest reglament sa basa sin l’artitgel 18 dals statuts novs da la ULR dals 29 da mars 2004.

Artitgel 1
L’Uniun per la Litteratura Rumantscha (ULR) edescha la revista Litteratura.

Artitgel 2
La redacziun da la revista Litteratura vegn elegida da la suprastanza.

Artitgel 3
La redacziun po sa cumponer dad ina u da pliras persunas. La redacziun sa constituescha sezza.

Artitgel 4
La redacziun s’oblighescha:
a) da publitgar la Litteratura ina giada ad onn, per regla a chaschun dals Dis da Litteratura
b) da resguardar il spectrum d’ideas e da furmas d’expressiun da las auturas e dals auturs rumantschs
c) da resguardar tut las variantas da scrittira rumantschas
d) da resguardar era contribuziuns da persunas che n’èn betg commembras da la ULR

Artitgel 5
La redacziun è responsabla per la furma ed il cuntegn da la Litteratura.

Artitgel 6
La suprastanza è responsabla per l’administraziun, la finanziaziun, la stampa, la spediziun e la vendita da la Litteratura.

Artitgel 7
La redacziun da la Litteratura orientescha la suprastanza davart la lavur redacziunala. In commember da la suprastanza vegn elegì sco persuna da contact tranter la suprastanza e la redacziun.