Cuntegn

 

 
 

actualitads

 
   


 

"En posiziun! Pront! Dai!" - "La pagina" als Dis da Litteratura 2017!

 

 

Gizzai vossas plimas, stgaudai la vusch: ils Dis da litteratura 2017 revitaliseschan "La pagina", la prelecziun per in e scadina!

 

Quest onn stattan ils Dis da litteratura sut il motto "gieu da litteratura": la litteratura duai esser in act collectiv, nua ch'il barat immediat tranter autura, lectur ed auditura daventa la regla numer 1.

"La pagina" n'è nagina concurrenza da scriver, ella è ina plattafurma per scriver e preleger texts litterars. Mintgin dastga empruvar qua sia fortuna, ed i na dat nagina giuria, nagin premi e nagina discussiun.

Las cundiziuns per far part èn: in text rumantsch scrit sez e nunpublitgà da max. ina pagina A4 en furma d'in dialog a la SMS u whatsapp che cuntegna la frasa "En posiziun! Pront! Dai!"

Il text sto vegnir inoltrà fin ils 03-11-2017 a las 15:00 per mailinfo@disdalitteratura.ch. La prelecziun è la sonda, ils 04-11-2017 a las 13:30 en il foyer. Mintga auturA survegn in'entrada gratuita per la sonda.

Nus ans legrain sin voss texts;-)

 

 

***


Radunanza Generala da la ULR 2017

 

L’Uniun per la litteratura rumantscha ha preschentà sias vastas activitads a favur da la litteratura rumantscha la sonda passada a Cuira. Betg sulet il program annual e l’elecziun da la nova suprastanta han fatschentà la radunanza da l’Uniun per la litte­ratura rumantscha la sonda passada en chasa rumantscha a Cuira.

Dumenic Andry banduna la suprastanza. La ULR less engraziar per sias bregias e prestaziuns pertutgant la litteratura rumantscha. Sco successura vegn Flavia Hobi nov en suprastanza. Ella è era en suprastanza da la GiuRu e spera uschia da rinforzar la collavuraziun tranter las duas uniuns.

Delectà ils pre­schents ha il litterat bernais Beat Sterchi cun sias explicaziuns davart lalingua tudestga scritta e la lingua pledada e cun ina prelecziun or da l’atgna ovra.


***


Grazia fitg a Stina Hendry e Beni Vigne per l'ultim punct dubel!

L’autura giuvna Stina Hendry ed il chantautur e scrivent Beni Vigne han prelegì communablamain en Chasa Rumantscha a Cuira.

I era ina saira patgifica en atmosphera familiara cun interessants discurs ed interessants texts.

A bainbod!



Sut il titel ‘punct dubel’ s’inscuntran duAs scriventAs rumantschAs e preschentan texts; texts publitgads, texts novs e per part texts or dal truclet. Vitiers discurran els da lur lavur da scriver, da la lingua e da lur vita.
Questa giada pudain nus entupar a moda simpatica Stina Hendry e Beni Vigne.

***


Project “CENACOLO”

in project da Eventi letterari Monte Verità, 6 - 9 avrigl 2017

or da l'annunzia:

"Wir bieten während der Tage, an denen das Festival stattfindet, und während der wichtige Persönlichkeiten und Gäste aus aller Welt zugegen sind, etwa einem Dutzend junger Schweizer, oder in der Schweiz ansässigen Autoren, die Möglichkeit, in einem elitären Raum unter der Leitung eines ‘Mentors’ zusammenzutreffen. Die Rolle des Mentors übernimmt dieses Jahr die Schriftstellerin und Bloggerin Michela Murgia (“Il mondo deve sapere”, “Accabadora” und kürzlich erschienen “Chirù”). Die eingeladenen jungen Autoren verbringen zwischen dem 14. und 17. April 2016 vier Tage (3 Nächte) als Gäste des Festivals (inkl. Unterkunft, Verpflegung und Reisespesen), während derer sie an vom Programm vorgesehenen Begegnungen und Diskussionen, den Treffen des “Cenacolo“, teilnehmen, sowie informellen und freien Begegnungen beiwohnen können, die sich einfach ergeben, wenn man vor einer Tasse Kaffee oder einem Glas Wein zusammenkommt."

 

Tschertgà en giuvens auturs ed auturas sut 35 che han gust da discurs e barat. Dapli infurmaziuns.

 

S'annunziar pon ins tar:

Lisa Barzaghi - lisa.barzaghi@eventiletterari.ch

u tar:

Associazione Eventi letterari, Casella Postale 929, CH - 6612 Ascona

fin ils 22 da favrer 2017.

 

***

 

La ULR è uss era sin Facebook!

 

 

Agiuntai nus sco amis!

 

 

 

***

 

Il davos punct dubel ils 28 d'october 2016 cun Göri Klainguti e Tresa Rüthers-Seeli era in grond success.

Suenter ina prelecziun dals dus auturs ha Benedetto Vigne moderà ina fitg interessanta discussiun cun blers inputs dal publicum.

Grazia a Benedetto Vigne per la moderaziun, a Ivo Bärtsch dal Zuoz Globe per il local cun grondiusa atmosphera, a la Chasa Editura Rumantscha per il apero ed als visiturs per il vegnir!

 

***


Sustegns

Avais gust da scriver ed As mesirar cun auters?

Avais scrit in roman u pliras istorgias curtas, ma na chattais betg sustegn finanzial?

Tge auturas ed auturs rumantschs prelegian proximamain nua?

Guardai las colliaziuns a sanestra per savair dapli.

 

Nova purschida: il punct dubel! Dapli...