Cuntegn

 

 
 

prelecziuns

 
   

10 e 11 da mars 2017 a Cuira

 

«4+1 translatar» turna enavos a Cuira

L’occurrenza da litteratura «4+1 translatar tradurre übersetzen traduire» vegn a colliar las duas linguas parentadas, il rumen ed il rumantsch, cun autras ensainas. La ritga purschida da program resguarda però era las autras linguas naziunalas.

Cun: Gianina Cărbunariu & Teatrul Na ional Radu Stanca, Noti Wümié, Radu-Mihai Alexe, Andrei Anastasescu Denisa Comănescu, Jan Cornelius, Florence Courriol, Caroline Coutau, Lydia Dimitrow, Anna Felder, Catalin Dorian Florescu, Marion Graf, Gabriella de’ Grandi, Dana Grigorcea, Nora Iuga, Daniela Koch, Eugène Meiltz, Angelika Overath, Bruno Pellegrino, Rut Plouda, Magdalena Popescu-Marin, Marina Pugliano, Christoph Simon.

Il program cumplet en rait quia.

 

TIPP:

sonda ils 11 da mars: 16.15 – 17.30, Marsöl, Sala

Ils munds da Dana Grigorcea e da Catalin Dorian Florescu èn marcads da lur origin rumen, ma ils cudeschs scrivan els per tudestg. Lur romans – Das primäre Gefühl der Schuldlosigkeit e Jacob beschliesst zu lieben – èn stads translatads en rumen. Angelika Overath è vegnida da la Germania a Sent, il 2014 ha ella publitgà poesias rumantschas, Poesias dals prüms pleds. Tge spazis s’avran als scrivents tranter la lingua materna, la lingua litterara e la translaziun?


Moderaziun: Jan Cornelius, autur e publicist tudestg-rumen

 

***

 

Venderdi 10 da marz a las 20.30:

Tina Planta - Vital, larschs as dan il man – Elisabeth Hangartner, Wegzeit Gedichte
Chastè da Cultura Fuldera, www.chastedacultura.ch | entrada libra / collecta

 

***


 
Dumengia, 12 da mars, 17.00, Hotel Stern, Cuera, 

presentaziun dal cudisch da Magdalena Popescu-Marin
Il mund romontsch en mia veta/ Lumea romansa in viata mea.
Moderatur: Dr. Giusep Capaul.

 

***


 
Dumengia, 12 da mars a las 17.00,

muments musicals en la baselgia da Le Petit-Saconnex (GE)
Musica e poesia en las quatter linguas naziunalas
P. Bielser, tiba, O. Grigorieva, orgla, W. Rosselli, lectur, chor da Le Petit-Saconnex, direcziun : F. Mützenberg

 

***


 

Mardi, ils 14 marz 2017

Colloqui rumantsch: autur/as cun lur novas publicaziuns en discussiun cun Mevina Puorger
Arnold Spescha
traducziuns da Hans Fäh
Ei catscha dis - Der Tag bricht an
Poesias - Gedichte
Ils colloquis han lieu da las 18.15h a las 19.45h a l’Universitad da Turitg, edifizi principal, KOL – E– 18, Rämistrasse 71, 8006 Turitg

(Infurmaziuns: mevina@rom.uzh.ch / 078 772 32 28)

 

***


 
 
Mardi 28 mars 2017, 20.30

Hotel Reine Victoria, Via Rosatsch 18, 7500 San Murezzan, entrada libra; reservaziun: 081 836 06 02 u kultur@laudinella.ch

Romana Ganzoni preschenta ses nov cudesch Granada Grischun
Accumpagnament musical: Manuela Zampatti, accordeon



 

***

 

mesemna, ils 15 da favrer 2017

 

Stina Hendry e Beni Vigne mettan in punct dubel

L’autura giuvna Stina Hendry ed il chantautur e scrivent Beni Vigne prelegian communablamain

Punct dubel: mesemna, ils 15 da favrer, Chasa Rumantscha, Via da la Plessur 47, Cuira, 19:30.

 


Sut il titel ‘punct dubel’ s’inscuntran duAs scriventAs rumantschAs e preschentan texts; texts publitgads, texts novs e per part texts or dal truclet. Vitiers discurran els da lur lavur da scriver, da la lingua e da lur vita.
Questa giada pudain nus entupar a moda simpatica Stina Hendry e Beni Vigne.

Entrada libra, cun in pitschen aperitiv.

Nus ans legrain fitg sin Vossa visita.

Cordialmain

Chasa Editura Rumantscha ed Uniun per la Litteratura Rumantscha

 

***

 

La radunanza generala da l’ULR ha lieu quest onn ils 29 d’avrigl 2017.


Dapli infos suondan.